瑞士南法 Day 13 - Paris

3/19/2013 02:33:00 AM conysan 2 Comments

2012年7月12日

 食過早餐,拿著老闆的地圖出發去TGV車站,過程順利而且找到家樂福的油站入油,去到車站還有45分鐘剩. 

 出發前三個月從TGV-Europe買了TGV車票(越早買越平), First Class也只是EUR40非常抵!!
跟新幹線差不多,TGV也是時速約300km/h,不過有時搭新幹線耳仔會痛,今次搭TGV就沒有
從Avignon到Paris Gare de Lyon車站車程3小時,而我地就全程煲劇,這個trip看了一套舊日劇"求婚大作戰"
到達Paris一落車就覺得好凍,在南法陽光普照日日35C,巴黎竟然只有20C! 著住短褲拖鞋的我地凍到震~~~

 酒店在凱旋門附近,因為之前聽過巴黎地鐵好多賊,又帶住行李所以我地決定搭的士! 其實由Gare de Lyon去酒店大約同沙田去尖沙嘴差不多路程,連埋行李附加費車資共EUR19不算太貴,最重要係冇賊又去到酒店門口!! 

 逗留巴黎只有1.5日時間,對上一次是十多年前,記憶模糊. 曾於法資機構工作的我對巴黎人印象甚差,多數都係高傲,hea(見佢地o係pantry吹水多過o係自己位),不願講英文(就算居於香港多年都是) 所以這個trip沒打算留在巴黎太耐,不過這1.5日遇到的人卻為之前的壞印象挽回不少分數

 由酒店步行20分鐘就到Printemps同Galeries Lafayette,在巴黎我地係搭的士或步行,只係搭過一次地鐵

 血拼之前先去Paul食Lunch,咖啡好飲~
雖然話七月中法國既百貨公司都係final sale,但去到Galeries Lafayette沒有任何減價貨睇得上,地庫的鞋部門亂得有點似IT final sale,只有display同斷碼,真係揀唔落手! Printemps反而好一點,人比較少. 最後,在Printemps買左一對鞋(係香港的四折),在Galeries Lafayette買左個手袋和一些鵝肝罐頭做手信,前後也不超過兩小時.

 話說網上很多人都說購物過後不要"大搖大擺"拿著名牌的紙袋(很多強國人正是如此,拿著5,6袋LV), 所以我地自備購物袋,買了鞋同手袋就直接放進去. 不過由Printemps行去Galeries Lafayette既時候我發覺購物袋的拉鏈拉開了一半,當時裡面只有一對鞋,或者那個賊一心打算偷銀包/電話,所以就沒有落手.

 行出Galeries Lafayette,落大雨,唔可以sightseeing,就繼續落去Opera一帶行街. 黃昏既時間雨越落越大,由協和廣場行返去Champs-Elysees十五分鐘既路程,我倆都全身濕晒 (落大雨當時沒有影相),晚餐就去遊客必到既Chez Clement(純粹因為不用排隊)
不過,食物質素頗令人失望. 生蠔普普通通(還是康城那一餐好味!!)
我的牛扒 - 有筋,切唔開...... 牛扒還是美國Angus Beef好.....
食完晚餐只係八點左右,行一陣Champs-Elysees的Sephora就返酒店

2 comments:

Avignon 住宿 - B&B Bastide Valentine

3/17/2013 02:31:00 AM conysan 0 Comments

七月的Avignon酒店房間緊張,而且也貴得過份,看過Best Western要差不多EUR200一晚非常唔值. 縱然我一向麻麻地民宿/B&B,但睇錢份上冇辦法啦. 

 何解我唔鍾意住B&B,因為總覺得相片同實地出入很大,而且有些B&B屋主過份熱情,有時去玩完一日太累,唔太想應酬. 當然純粹係我個人感覺,而今次住這間B&B也很不錯. 

 相中左邊門口係屋主一家的屋企,右邊門口就係民宿,共有三間房(地面一間, 一樓兩間) 而我就住地面那間房 
鐵閘裡面有泳池,人客也可以使用,不過我地冇時間游水
早上老闆娘會o係草地開張枱serve早餐,佢自製的muffin好好味~
至於房間就只有double bed,而房的佈置好浪漫,兩個女生入住實在錯配
浴室整潔,也有毛巾供應,那個落雨花灑好正~~ 
不過問題係浴室冇門,要極速沖廁,呢點就很不方便啦. 某些台灣民宿也有同一問題,究竟點解浴室會冇門呢??
入住日期: 2012年7月10日~12日(兩晚)
價錢: EUR100 一晚
冷氣: 沒有
評價: 老闆娘非常親切,雖然自稱不太識英文但溝通沒有問題. 晚上不能打開窗戶因為會有昆蟲飛進,所以會幾焗. 而民宿沒有wifi,我地過了與世隔絕的兩個晚上. 入住的第二天沒有清潔房間, 不過我以前無試過於同一民宿住多過一晚,所以不知道這個是否民宿的經營模式
website: http://www.bastidevalentine.fr/index.html
其他: 本來預約這間民宿要附deposit, 不過老闆娘見我沒有法國戶口就免除deposit. 各位自助遊人士記住唔好做失格的旅人,預約後決定不入住的話記緊要取消預約

0 comments:

瑞士南法 Day 12 part 3 - Avignon

3/17/2013 02:28:00 AM conysan 1 Comments

2012年7月11日

 南法地區最後一站來到Avignon. 每年七月Avignon都有各種慶典(Art Festival, Theater Festival等等),亦是一年中最多遊客既時間. Avignon比城牆包圍,在外圍已經開始塞車,路邊也停泊著多部旅遊巴士. 城牆外有多個停車場,不過我花了接近一小時才找到停車位,好唔容易見到一部Peugeot 207走,而我這部巨大的Peugeot 507用了超過十分鐘才泊進這個超細位 (我的parallel park已經不算太差) 其實跟在後面有一部Audi A6,大概等得不耐煩結果自己倒後走了,沒有向我響按,謝謝你! 

 車頭仍然凸出,個位實在太細啦! 
沿著城牆北行來到Pont Saint-Benezet (又名為Pont D'Aignon) 建於12世紀連接Avignon與Villeneuve-lès-Avignon,橫誇Rhone River(隆河)的橋樑. 建成後的幾百年間多次遭隆河的洪水衝毀,也經歷多次重建,最終在17世紀後沒有再進行重建,時至今日只留下四個橋躉. 其實可以付EUR3.5走上斷橋,不過大排長龍,而且我地覺得早上的Pont du Gard靚得多,就沒有上去了 
另一個Avignon的historic site就係Palais des Papes. Avignon跟其他南法小鎮一樣過去係羅馬帝國的領土. 教皇曾經短暫將教廷遷往Avignon,花了約20年時間建造這座教廷皇宮. 
Palais des Papes前面的廣場有多個露天茶座,七月慶典期間特別多人作街頭表演
有些blogger覺得去過其他南法小鎮覺得Avignon不是太特別,甚至話打從就進入Avignon的一刻就聞到尿味,聽起來有點誇張,不過我也覺得Avignon比起其他小鎮失色不少,街道不太清潔,人也比較雜.
咁多人,唔怪得剛才冇停車位
見到Hermes即時衝進去,當然不是買Birkin(店員也說這間舖沒有貨),各自買了絲巾給媽媽. 原來拿著那個鮮橙色紙袋確係幾矚目,街上很多人都望著紙袋. 
Hermes外面就是那個聞說很浪漫的迴轉木馬(完全不覺得浪漫...)
Avignon的街道九曲十三灣,我地沒有帶地圖,轉了幾次才回到剛才的廣場
這間餐廳門口貼了trip advisor好評的貼紙,本來想在此食晚餐,可惜今晚有人包場
不太想坐露天茶座,隨意找了一間餐廳,不過食物並不出色
明天就要離開南法, 知道GPS信不過,但怎也想不到竟然連Avignon TGV車站都找不到! 問民宿的老闆娘有沒有地圖, 幸好佢地好似早有準備,有一張影印好的大地圖,老闆用highlighter畫了行車路線,明天要靠友人做導航小姐

 天氣炎熱,每日都飲幾支水
補充Day 12的行車路線(google map: http://goo.gl/maps/SXIru)

1 comments:

瑞士南法 Day 12 part 2 - Arles

3/03/2013 02:27:00 AM conysan 3 Comments

2012年7月11日

 之前聽過Pont du Gard既停車場收費有點貴,大約是EUR5,誰不知我們離開的時候竟然要EUR18!! 搶錢啊! 

 其實Day 3我沒有自製map quest (懶!), 反正都是去大路的市鎮/景點,不過GPS仍然令人失望. 我是靠沿路看路牌去Arles. 由Pont du Gard去Arles約45分鐘車程

 我在草地駕駛?!
Arles 歷史悠久,公元前係羅馬帝國既地方,不過老實講Arles既街道有點霉,相比之前去既山城同樣歷史悠久,Arles既保育比較差. 
是日35C,曬熟!
又有藍色窗
Arles Amphitheatre, 羅馬人愛好鬥獸(牛?)當然唔少得競技場. 附近另一個小鎮Nimes亦都有個競技場

 當日正門有工程,所以只有影側面
雖然付過EUR6.5,但正值中午實在太熱,影幾張相就要走啦. 競技場規模細,同羅馬那個當然冇得比
天氣太熱只係想輕食,來到法國未食過crepe,附近有間cafe,就佢啦!

 法國也有貢茶?

Vincent Van Gogh曾於Arles居住過兩年,就在這短短兩年時間畫過超過200幅作品(平均3日半一幅嗎?!),其中還包括著名的The Sunflowers. Arles對Van Gogh既作品影響深遠,市內也不難找到佢既蹤影.

 不過要睇The Sunflowers既真身嗎? 都係要去返Van Gogh出生地-荷蘭 (好想去!!)
L'Espace Van Gogh - 前身係Van Gogh住過既療養院
亦係繪畫Courtyard of the Hospital at Arles的地方
離開Arles前最後一個景點係Cafe Van Gogh, 是繪畫Cafe Terrace 既場地. 之前從網上看過有點名過於實,食物一點也不特別,所以只係路過並沒有幫襯
如果沒有這個牌,其實只係一間普通cafe

3 comments:

Subscribe to: Posts (Atom)