瑞士南法 Day 14 - Paris
2012年7月13日計劃行程的時候想過,到巴黎不論怎樣瘋狂shopping,我仍然想去兩個sightseeing point,其中一個就係比人稱為"賊山"既聖心教堂. 數年前睇過日劇Triangle後一直都很想去,不過直到今次旅行前做research,才知道那裡賊人同呃錢黨多得很. 不過如果聽從大多數人的advice (相手要插袋,必要時要用廣東話粗口大叫)應該問題不大.
只可惜今早一起身.....落大雨....一想到要影相要擔遮,要看地圖同睇住d賊,什麼mood也沒有,唯有取消這個行程,留待下一次有緣既時候再去啦
總不能由朝shop到晚,決定由酒店行去巴黎鐵塔. 一路在Champ-Elysees行既時候又遇到呃錢黨,有個女人從後拍膊頭問我"Do you speak English",一早從網上聽過是屈人捐錢,又或者分散我地注意力來偷銀包,所以頭都唔回完全無視佢. 只是那女人的手甲很長,爪到我膊頭有點痛
早上九時的LV總壇,未見到有人龍
誰不知食完早餐,打算上第二層的時候,落傾盤大雨 (鐵塔上係半室外,會濕身),連再向上行的mood也沒有,行返落地面離開
雖然酒店離凱旋門只有十分鐘路程,但我地都竟然冇機會(時間?)去,就只有在Franklin D Roosevelt的十字路口影一張相
沿著Rue Saint Honore行到Les Halles附近,終於找到Christian Louboutin, 友人滿心歡喜衝入去,打算一定要買一對鞋,可惜整間店沒有一對鞋底過四寸. 平常在Lane Crawford見到的淨色/三寸的在這裡完全找不到,山長水遠行了半個小時,結果空手而回. 於是乎,我地又再走到起點,沿路我也在Miumiu買了對鞋. 去到起點今次到Roger Vivier, 可惜店員說整間店也沒有36.5/37號的鞋... 我想買都冇機會. 而友人試了很多款最終也買到一對,算是mission accomplished. 何解沒有36.5/37號? 難道全部都運到亞洲?
行出Roger Vivier又落大雨,衝忙的走進Bottega Veneta買了銀包給爸爸,之後便跳上的士去晚飯. 餐廳資料一早預備好,在剛才Christian Louboutin的附近,地圖上的Marc Mitonne
揀這家餐廳其實主要是裝修,網上的相見到好似一個山洞,不過當日沒有其他客人,所以我地沒有機會去地庫. 上層的裝潢不太像山洞
以下是在Avignon與Paris的收獲
Posts
0 comments: